Avans-dire
Lo projècte d'escanerizar una revista nasquèt l'estiu 2007 ont prepausèri al IEO del puèi de doma de botar los ensenhadors de la revista «Parlem/Vai-i qu'as paur !» sul sit internet de la region Auvernhe/Velai/Borbonès d'Òc.
Crompèri un logicial de reconeissénça optica de caractèr (OCR) per parar de me picar tot lo tèxte. Escanerizèri la pagina del ensenhador, puèi m'avisèri que lo trabalh era tan grand coma d'escanèrizar la revista tota. Totas las paginas numerizadas per que ne faire, me diguètz ! Per recampar tot aquò dins un fichier PDF que revertarà un microfilm.
Maquinaria
Una fotocopiadoira/escanèr bèla amb un plateu apasturaire de fuèlhas. La fotacopiadoira deu èsser brancada sul malhum de l'entrepresa. Per exemple Canon seria IR 5000.
Un ordenador amb un logicial d'aquesicion compatible amb la fotocopiadoira. Network Scangear.
Si que non es totjorn possible d'anar en ço d'un copiaire professional per far l'escanèrizacion de reng e de tornar metre la resulta dins un clau USB.Cal comptar un pauc mens de detz euros per un vintenat de paginas e pas cap de contrarotle sul format e la definicion dels fichièrs.
Un logicial de reconneissénça optica de caractèrs.
Preparacion de la revista
La revista ven dins un format A4. A la debuta las fuèlhas eran pegadas sul costat a man esquerra, la broa de las fuèlhas deu èsser tranchada francament puèi empegadas. A flor e a mesura se demesiguèt la pega. Aital era aisit de desfuèlhar la revista.
Mas tre la fin de la seconda seria, la revista venguèt dins un format A3 plegat amb de brochas al mitan. Doncas, se la calia esquiçar al mièg.
Escanèrizacion
Tratament grafíc
Vaqui lo còde per traire un imatge png d'un fichièr pdf. L'indici [0] aprèp lo nom de fichièr pdf es per dire de traire sonque la primièra pagina.
[dc@dumbo ~]$convert -colorspace RGB -strip -units PixelsPerInch -density 72x72 -scale 160 lo_fichier.pdf[0]
primieira_pagina.png
